Iniciativa Social Pasado Transatlantico di sclavitud den e parti Caribense di Reino
Riba 19 di december 2022, Prome Ministro a disculpa su mes den nomber di gobierno pa e accionnan Hulandes den pasado cu respecto pasado di sclavitud. E disculpa a produci despues di aña di lucha di parti di activista di Reino y Suriname. Paralelamente na a disculpanan, tambe a emiti un contesta gubernamental na e raport di investigacion "Cadena di Pasado" di e grupo di dialogo tocante historia di sclavitud, presenta na juli 2021. Den su rapport, e grupo di dialogo a recomenda, entre otro, adopta e siguiente medidanan:
- Crea conciencia tocante sclavitud transatlantico door di investigacion, educacion y proyecto artistico.
- Fortalece conocemento tocante nificacion di discriminacion den bida cotidiano.
- Haci visibel pasado di sclavitud pa e converti den un historia comparti.
Den e contexto aki, a dicidi, entre otro, habri e plan di subsidio pa Iniciativa Social Historia di Sclavitud Transatlantico pa e parti Caribense di Reino (SUMS-C). A public’e dia 1 di juli 2025 y ta dispone di un presupuesto di 29.333.333 Euro. Por aplica pa un subsidio, distribui den ocho periodo di aplicacion, pa proyecto destina pa conocemento y sensibilisacion, reconocemento y conmemoracion, y un miho comprension di e impacto di pasado di sclavitud y su procesamento.
Dia 11 di augustus 2025, 09.00 AM, lo habri e prome plaso di aplicacion di un subsidio den contexto di profesionalisacion di organisacion solicitante (categoria 1). Riba 1 di december 2025 ta habri un periodo posterior den cual por presenta aplicacion pa proyecto di entre USD 10,000 y USD 25,000 (categoria 2).
Por presenta un aplicacion di subsidio door di Portal di Subsidio. Lesa mas tocante e skema di subsidio aki.
Pa obtene mas informacion tocante e skema y apertura di e otro periodonan, sea atento pa e site aki.
Tambe a publica un plan di subsidio pa Iniciativa Social tocante Historia di Sclavitud Transatlantico na Hulanda Europeo (SUMS-NL). Pa obtene mas informacion tocante e skema di subsidio aki, bishita e sitio aki.