Resumen criterio di aplicacion

Aplicante di subsidio
Entidad huridico sin fines di lucro estableci den e parti Caribense di Reino por haci un aplicacion. E iniciativa social mester tin lugar den e parti Caribense di Reino.

Persona fisico no por yega na remarke pa e subsidio.

Pa entidad huridico sin fines di lucro di Hulanda Europeo, ta existi un reglamento di subsidio pa Hulanda Europeo.

Actividad subsidiabel
E subsidio ta pone cuatro categoria na disposicion pa esnan cu por aplica pa un subsidio. Bou di e categorianan aki, tin varios actividad cu ta subsidiabel.

Categoria 1 – profesionalisacion: educacion, curso of formacion destina pa aumenta conocemento y habilidad pa desempeño di tarea administrativo of organisacion of mehoracion di organisacion administrativo di solicitante. Ademas, creacion of mehoracion di website di solicitante, cu e meta di yama atencion tocante actividad cu ta acopla na e obhetivonan di e reglamento, por ta subsidiabel den e categoria aki. E condicion ta cu e solicitante di e subsidio aki ta traha pa e finnan di e plan di subsidio. Esaki mester ta evidente den e statutonan di su organisacion of por haci plausibel di algun otra manera.

Categoria 2 – Iniciativa social a pequeña escala: diverso proyecto den relacion cu pasado di sclavitud, y organisa di encuentro of evenemento cu ta contribui na elaboracion di pasado di sclavitud, proyecto di educacion y expresion artistico, incluyendo exposicion y presentacion. Un condicion pa e categoria aki y otro siguiente ta cu e proyectonan ta beneficia descendiente di e personanan sclavisa (comunidad) y ta enfoca riba e obhetivonan di e plan di subsidio.

Categoria 3 – Iniciativa social di tamaño medio: diverso proyecto relaciona cu pasado di sclavitud, organisacion di encuentro of evenemento cu ta contribui na elaboracion di pasado di sclavitud, proyecto di educacion y expresion artistico, incluyendo exposicion y presentacion.

Categoria 4 – Iniciativa social importantes: diverso proyecto relaciona cu pasado di sclavitud, e organisacion di encuentro of evenemento cu ta contribui na elaboracion di pasado di sclavitud, proyecto di educacion y expresion artistico, incluyendo exposicion y presentacion. Solamente pa proyecto cu impacto duradero of a largo plaso of cu un gran alcance cu ta haci pasado di sclavitud y historia comparti visibel.

Paga tino: e bista aki ta un resumen di e posibel actividadnan. Consulta articulo 7 di e Reglamento pa ricibi un descripcion completo.

Informacion necesario ora di haci aplicacion
Aplicacion pa subsidio ta presenta mediante un formulario di aplicacion electronico firma pa un funcionario autorisa pa actua den nomber di solicitante di e subsidio. Parti di e aplicacion ta, den cualkier caso:

• Formulario di aplicacion debidamente cumplimenta;
   
• Prueba cu e number di cuenta bancario ta na nomber di e organisacion solicitante;
   
• Den caso aplicabel, un machtiging;

Si abo como bestuurder no ta autorisa di forma independiente of si otro persona, por ehempel, un advisor di subsidio, presenta e aplicacion den bo nomber, ta rekeri un machtiging.

Y adicionalmente pa categoria 2, 3 y 4:

- Un plan di actividad

- Un presupuesto

Si bo ta aplica pa un subsidio pa profesionalisacion di entidad legal cu ta traha den e parti Caribense di Reino y ta traha pa e finnan menciona anteriormente di e skema (categoria 1), ya lo pidi informacion tocante contenido y costo di su proyecto den e formulario di aplicacion.

Un aplicacion ta completo ora e formulario electronico y e anexonan rekeri ta completo den su totalidad y e Ministro a recibie den e periodo di aplicacion. E aplicacionnan pa subsidio incompleto por ser completa pa e solicitante den un plaso di 2 siman a partir di e notificacion pa e Ministro cu e aplicacion ta incompleto. E aplicacionnan complementario ta poni na final di orden di tratamento.