Pregunta i Kontesta

E preguntanan i kontestanan aki ta konserní solamente e areglo di supsidio pa inisiativanan sosial relashoná ku e herensia di sklabitut Transatlántiko pa e parti Karibense di Reino Hulandes.  E areglo tin komo meta pa sostené inisiativanan sosial pa desendientenan di hendenan sklabisá den e parti Karibense di Reino.  Tin un areglo apart pa Hulanda Europeo, i un proseso apart ta andando pa Sürnam.

Por apliká pa supsidio pa aktividatnan i inisiativanan sosial (proyektonan) ku ta kontribuí na un òf mas di e siguiente metanan:

• Oumentá komprenshon di e impakto di sklabitut den pasado i kombatí su konsekuensianan den presente;
• Promové e prosesamentu di e pasado di sklabitut;
• Stimulá konosementu i konsientisashon tokante e pasado di sklabitut;
• Fasilitá e rekonosementu i konmemorashon di e pasado di sklabitut.
   

Tambe por apliká pa supsidio pa profeshonalisá bo mes organisashon via di entrenamentu i/òf konstruí un wèpsait, i pa konsientisá aktividatnan relashoná ku e pasado di sklabitut.

Entidatnan hurídiko sin fin di lukro ku ta establesé den e parti Karibense di Reino Hulandes por apliká.  Esakinan ta organisashonnan registrá na Kámara di Komèrsio, manera fundashonnan, asosiashonnan, i gruponan religioso.

Personanan natural i organisashonnan ku meta di ganashi no ta bini na remarke pa e supsidio.

€29.3 mion ta disponibel pa e areglo pa inisiativanan sosial pa herensia di sklabitut Transatlántiko pa e parti Karibense di Reino.

Tin kuater kategoria, kada un ku dos periodo di tempu pa un periodo di kuater aña.  Un periodo di tempu ta un periodo spesífiko durante kua por apliká pa e supsidio. E límite di supsidio di €29.3 mion ta wòrdu repartí di e siguiente manera:

Kategoria 1 – Organisashon Profeshonalisá

• Periodo 1:  €1.260.000
• Periodo 2:  €900.000

Kategoria 2 – Inisiativanan Sosial Eskala Chikí

• Periodo 1:  €2.190.000
• Periodo 2:  €1.800.000

Kategoria 3 – Inisiativanan Sosial Eskala Mediano

• Periodo 1:  €5.110.000
• Periodo 2:  €3.600.000

Kategoria 4 – Inisiativanan Sosial Eskala Grandi

• Periodo 1:  €7.873.333
• Periodo 2:  €6.600.000

Pa Kategoria 1, e siguiente gastunan ta bini na remarke pa un supsidio:

• Gastunan eksterno pa realisá e aktividatnan elegibel dor di un partido eksterno.  Esakinan ta gastunan pa kua bo organisashon lo risibí un faktura.  Komo ku e supsidio pa Kategoria 1 ta un montante fiho di USD 10.000, bo mester tin por lo ménos USD 8.696 na gastunan pa entrenamentu i/òf e wèpsait, pa kua bo ta risibí i warda e fakturanan.
• Un rekargo di 15% pa e supsidio pa otro gastunan hasi pa e aktividatnan ku ta bin na remarke.  Esaki ta un montante adishonal ku bo ta risibí pa otro gastunan ku bo ta hasi.  Esaki ta wòrdu splika mas abou.

Pa kategoria 2, 3, i 4, e siguiente gastunan tambe ta bin na remarke pa supsidio:

• Kompensashon pa boluntario
• Gastunan di salario direkto pa empleadonan di bo organisashon pa e oranan ku nan ta dediká na e proyekto, pa kua ta apliká un tarifa fiho pa ora di USD  65;
• Ademas di e gastunan, lo bo risibí un kompensashon fiho pa e oranan nesesario pa desaroyá e plan di proyekto i/òf kontratá un konsehero di supsidio pa esaki i pa entregá un petishon, ku ta suma na:
  • Proyektonan den Kategoria 2:  USD 1.000,-
  • Proyektonan den Kategoria 3:  USD 2.500,-
  • Proyektonan den Kategoria 4:  USD 3.750,-
• Gastunan pa un konsultant eksterno kontratá pa realisá bo proyekto, ku un tarifa pa ora pre-determiná di te ku  135,- sin Btw.
• Pa proyektonan ku un montante di supsidio di USD 125.000 òf mas, e gastunan di un rapòrt di akóuntent tambe ta elegibel.  Ta trata di un tarifa fiho di USD 10.000,-.
   

Petishonnan pa e areglo di supsidio pa inisiativanan sosial relashoná ku e herensia di sklabitut Transatlántiko pa e parti Karibense di Reino ta wòrdu entregá na dòler merikano i tambe ta wòrdu pagá na dòler merikano.

Si bo presupuestá e gastunan elegibel ku bo organisashon lo inkorporá pa e implementashon di bo proyekto, lo bo risibí un rekargo fiho di 15% riba e montante ei.  E montante aki, e overhead, ta permití bo kubri otro gastunan,  manera gastunan di biahe i transporte, catering, gastunan di ofisina, i kompra di material.  Bo no mester tene registro pa e gastunan aki, ku ta wòrdu konsiderá komo overhead.  Pa e supsidio di profeshonalisashon (kategoria 1), e overhead ta USD 1.304, pasobra e supsidio tambe ta un montante fiho.

Debe di Bto ta solamente elegibel pa supsidio si e persona ku ta apliká no por kompensá esaki kontra e Bto ku mester paga.

• Aktividatnan pa un proyekto den kategoria 1 mester keda kla den 12 luna.
• Aktividatnan pa un proyekto den kategoria 2 mester keda kla den 12 luna.
• Aktividatnan pa un proyekto den kategoria 3 mester keda kla den 48 luna.
• Aktividatnan pa un proyekto den kategoria 4 mester keda kla den 48 luna.

Si risibí ménos aplikashon ku e supsidio disponibel, aplikashonnan di supsidio lo wòrdu prosesá den órden ku a risibí esaki. Kada hende lo haña un turno den e órden ku a risibí nan petishon.

Si risibí mas aplikashon ku e supsidio disponibel, un loteria lo tuma lugá.  Di e manera aki, kada solisitante tin un chèns igual di wòrdu konsiderá.  E resultado di e loteria lo determiná e órden di konsiderashon.  E loteria lo wòrdu kondusí dor di un notario.  Den tur kaso, bo por entregá un aplikashon na kualke momento durante henter e periodo di aplikashon, sin importá ki ora bo entregá esaki.

Por entregá aplikashon pa e siguiente montantenan mínimo i máksimo di supsidio:

• Kategoria 1: E supsidio ta un montante fiho, USD 10.000.
• Kategoria 2: E supsidio ta un mínimo di USD 10.000 te ku USD 25.000.
• Kategoria 3: E supsidio ta un mínimo di USD 25.000 te ku USD 125.000.
• Kategoria 4: E supsidio ta un mínimo di USD 125.000 te ku USD 500.000.

Bo por haña tur informashon riba e wèpsait di SZW/Uitvoering Van Beleid.

Si bo no por haña e kontesta riba bo pregunta, por fabor tuma kontakto ku nos.

Wak riba e wèpsait di SZW/Uitvoering Van Beleid  pa e pasonan nesesario ku mester tuma pa entregá un aplikashon.

Krea i registrá un kuenta ta posibel entrante 1 di yüli 2025: no ta rekerí E-rekonosementu.

E promé supsidionan pa Kategoria 1 por wòrdu pidi entre 11 di ougùstùs 2025, pa 9:00 AM CET, i 12 di sèptèmber 2025, pa 5:00 PM CET, usando e formulario elektróniko riba e portal di supsidio di Implementashon di Maneho. Pues e trayekto aki ta kana kompletamente digital.

Un petishon por wòrdu entregá solamente dor di un entidat hurídiko sin fin di lukro establesé den e parti Karibense di Reino Hulandes via e formulario di petishon elektróniko den e portal di supsidio.

Pa petishon pa un supsidio di profeshonalisashon (kategoria 1) ta konta un eksigensia adishonal:

• Bo estatutonan mester demostrá ku bo ta enbolbí den aktividatnan relashoná ku e herensia di sklabitut transatlántiko;
• Òf, si esaki no ta bisto for di bo estatutonan, bo mester por demostrá ku bo tabatin anteriormente òf ta realisando aktividatnan relashoná ku e herensia di sklabitut transatlántiko.

Bo formulario di aplikashon mester ta firmá pa un funshonario (direktor) outorisá bou di e estatutonan pa entregá e petishon di supsidio (un funshonario ku ta outorisá solamente konhuntamente ku otronan mester tin nan outorisashon).

Bo proyekto mester sirbi por lo ménos un òf mas di e siguiente ophetivonan:

1. Haña un mihó komprendementu di e impakto di e historia di sklabitut i kontrarestá su konsekuensianan den presente;
2. Prosesá e historia di sklabitut;
3. Promové konosementu i konsientisashon tokante e historia di sklabitut; òf
4. Rekonosé i konmemorá e historia di sklabitut.

Solamente aplikashonnan di supsidio kompleto lo wòrdu prosesá, loke ta nifiká ku tur dokumento nesesario a wòrdu entregá. Si bo petishon ta inkompleto, Implementashon di Maneho lo pidi bo pa duna informashon adishonal.  Aplikashonnan inkompleto lo wòrdu pone na final di e órden di prosesamentu despues ku nan a wòrdu kompletá. Esaki por afektá e otorgamentu di supsidio si mas petishon a wòrdu entregá ku e sen ku tin disponibel. Pa e motibu aki, por fabor sòru pa bo aplikashon ta kompleto na momento di entregá.
 

Implementashon di Maneho tin tres luna despues di e fecha límite pa tuma un desishon.  Si konsulta ku e Komishon di Konsulta, e periodo aki ta dos luna mas largu.  E tempu ku bo mester pa kontestá kualke pregunta adishonal por wòrdu agregá na e periodo aki.  Implementashon di Maneho ta hasi esfuerso pa evaluá aplikashonnan mas lihé posibel.

Implementashon di Maneho ta evaluá si bo aplikashon ta kumpli ku e kondishonnan stipulá den e areglo.  Esaki ta inkluí e konekshon di e proposishon di proyekto ku e ophetivonan di e areglo, e eligibilidat i rasonabilidat di e gastunan presupuestá, e faktibilidat di e proyekto, etc. Pa e supsidio di profeshonalisashon, e evaluashon ta enserá evaluá e entrenamentu skohe pa atministradónan i/òf empleadonan i e rasonabilidat di e gastunan pa e entrenamentu i/òf konstrukshon di wèpsait.

Pa kategoria 1, bo mester inkluí e siguiente anekso(nan) ora di entregá un aplikashon:

• Prueba ku e number di kuenta di banko ta riba nòmber di e organisashon ku ta hasi e petishon;
• Si ta aplikabel, un formulario di outorisashon.  Esaki ta nesesario si:
  • Bo no ta outorisá independientemente pa entregá un aplikashon;
  • E aplikashon ta wòrdu entregá dor di un konsehero di supsidio/partido eksterno.

Pa kategorianan 2, 3, i 4, e siguiente aneksonan mester ta inkluí den e aplikashon:

• Un plan di aktividat
• Un presupuesto
• Prueba ku e number di kuenta di banko ta riba nòmber di e organisashon ku ta hasi e petishon;
• Si ta aplikabel, un formulario di outorisashon.  Esaki ta nesesario si:
  • Bo no ta outorisá independientemente pa entregá un aplikashon;
  • E aplikashon ta wòrdu entregá dor di un konsehero di supsidio/partido eksterno.

Pa kategorianan 2, 3 i 4, bo mester inkluí un plan di aktividat huntu ku bo aplikashon.

E plan di aktividat mester inkluí di tur manera:

• Un bista di e aktividatnan pa kua ta pidi un supsidio, kon esakinan lo benefisiá e desendientenan di hendenan sklabisá, i kon e aktividatnan aki ta kuadra ku e ophetivonan di e areglo;
• Un deskripshon di e tim di proyekto;
• Un deskripshon di e kontenido, dimenshon, grupo meta, gastunan i durashon di e aktividatnan;
• Un skema detayá.

Pa e plan di aktividat, por fabor usa e format preskribí “Plan di Aktividat”, ku bo por haña riba e wèpsait di SZW/Uitvoering Van Beleid 

Si, bo por apliká pa solamente un kategoria.  Bo no ta obligá pa apliká pa tur kuater kategoria.

Den e presupuesto, bo ta duna un bista di e gastunan ferwagt.  Usa e format “Presupuesto” preskribí, ku bo por haña riba e wèpsait di SZW/Uitvoering Van Beleid 

Tuma Nota: Lesa e instrukshon den e presupuesto bon.

Den e presupuesto, pa regla bo ta yena promé kolumna A, despues kolumna B, i despues kolumna C.

Den kolumna B, bo ta yena e nòmber di e aktividat.  Den kolumna C, bo ta selektá e aktividat.  Despues, bo ta deskribí e aktividat den kolumna D. Por fabor wak artíkulo 7 i e aklarashon di e areglo (aktividatnan supsidiabel).  Den kolumna E, selektá e kategoria di gastu.

Despues, bo ta yena den kolumna F e tarifa pa ora interno/eksterno i e kantidat di miembronan di direktiva/empleadonan ku salario/boluntarionan den kolumna G. E kolumnanan ku ta sobra ta wòrdu kalkulá outomátikamente.

Si bo petishon pa Kategoria 1 (profeshonalisashon organisatorio) òf Kategoria 2 (inisiativanan sosial na eskala chikí) wòrdu aprobá, lo hasi un pago adelantá di 100%.

Si bo petishon pa Kategoria 3 (inisiativanan sosial di tamaño mediano) òf Kategoria 4 (inisiativanan sosial na eskala grandi) wòrdu aprobá, un pago adelantá lo wòrdu hasí kada seis luna pa e durashon di bo aktividat.

Pa petishonnan bou di e areglo di supsidio pa inisiativanan sosial relashoná ku e herensia di sklabitut Transatlántiko pa e parti Karibense di Reino, bo por entregá bo petishon na Hulandes òf Ingles. Informashon ta disponibel riba e wèpsait na Hulandes, Ingles, Papiamentu, i Papiamento.

Bou di Kategoria 1, bo por apliká pa un supsidio solamente pa:

• un programa di edukashon, kurso òf entrenamentu; e aktividat aki ta destiná pa miembronan di direktiva di e organisashon di e solisitante i ta dirigí riba oumentá nan konosementu i abilidatnan pa ehekutá nan tareanan atministrativo òf pa establesé òf mehorá e organisashon atministrativo di e solisitante;
• un programa di edukashon, kurso òf entrenamentu; e aktividat aki ta destiná pa empleadonan di e organisashon di e solisitante i ta dirigí riba establesé òf mehorá e organisashon atministrativo di e solisitante;
• konstruí òf mehorá e wèpsait di e solisitante pa promové aktividatnan ku ta kuadra ku e ophetivonan menshoná den artíkulo 2 di e areglo.

Bo por apliká pa supsidio di Kategoria 1 durante e siguiente periodonan:

• Promé periodo: 11 di ougùstùs 2025, 9:00 AM CET, pa 12 di sèptèmber 2025, 5:00 PM CET.
• Di dos periodo: 2 di novèmber 2026, 9:00 AM CET, pa 12 di yanüari 2027, 5:00 PM CET.

Tin dos periodo di aplikashon pa kada kategoria.  Bo por entregá un petishon di supsidio solamente durante e periodonan aki.

Tene na kuenta: periodonan di aplikashon por kambia debí na sirkunstansianan.  Konsultá e areglo di supsidio pa e bista mas aktual.

Aktividatnan ku ta bini na remarke pa kategoria 1 tin un durashon máksimo di un aña.

No, bo no mester. E supsidionan aki ta wòrdu determiná ofishalmente.  Esaki ta nifiká ku despues ku e aktividatnan elegibel a keda kompletá (denter di un aña), e supsidio ta wòrdu determiná sin mester di hustifikashon spesífiko. UVB ta kondusí un sondeo di solisitantenan; si bo kai den e sondeo, bo mester por demostrá ku bo a realisá e aktividatnan.

• Proyektonan pa oumentá resiliensia di komunidat kontra diskriminashon i rasismo;
• Proyektonan ku ta promové salú i bienestar di komunidat relashoná ku e historia di sklabitut;
• Proyektonan enfoká riba kompartí historia relashoná ku sklabitut;
• Organisá reunionnan, charlanan, seminarionan i diskushonnan di pènel ku ta promové diálogo i komprendementu tokante e historia di sklabitut;
• Organisá eventonan ku ta kontribuí na prosesá e historia di sklabitut;
• Proyektonan di edukashon, inkluyendo desaroyo di materialnan di enseñansa, krea i duna tayernan, i kreashon òf desaroyo di plataformanan digital;
• Ekspreshonnan artístiko, inkluyendo eksposishonnan i presentashonnan.

Bo por apliká pa supsidio di Kategoria 2 durante e siguiente periodonan:

• E promé periodo: 1 di desèmber 2025, 9:00 AM CET pa 12 di yanüari 2026, 5:00 PM CET
• Di dos periodo: 10 di yanüari 2028, 9:00 AM CET, pa 6 di mart 2028, 5:00 PM CET

Aktividatnan supsidiabel pa kategoria 2 tin un durashon máksimo di 1 aña.

No, bo no mester. E supsidionan aki ta wòrdu determiná ofishalmente.  Esaki ta nifiká ku despues ku e aktividatnan elegibel a keda kompletá (denter di un aña), e supsidio ta wòrdu determiná sin mester di hustifikashon spesífiko. UVB ta kondusí un sondeo di solisitantenan; si bo kai den e sondeo, bo mester por demostrá ku bo a realisá e aktividatnan.

Bou di Kategoria 3, bo por apliká pa un supsidio solamente pa:

• Proyektonan pa oumentá resiliensia di komunidat kontra diskriminashon i rasismo;
• Proyektonan ku ta promové salú i bienestar di komunidat relashoná ku e historia di sklabitut;
• Proyektonan enfoká riba kompartí historia relashoná ku sklabitut;
• Organisá reunionnan, charlanan, seminarionan i diskushonnan di pènel ku ta promové diálogo i komprendementu tokante e historia di sklabitut;
• Organisá eventonan ku ta kontribuí na prosesá e historia di sklabitut;
• Proyektonan di edukashon, inkluyendo desaroyo di materialnan di enseñansa, kreashon i entrega di tayernan, i kreashon òf desaroyo di plataformanan digital;
• Ekspreshonnan artístiko, inkluyendo eksposishonnan i presentashonnan.

Bo por apliká pa supsidio di Kategoria 3 durante e siguiente periodonan:

• Promé periodo: 1 di aprel 2026, 9:00 AM CET pa 1 di yüni 2026, 5:00 PM CET.
• Di dos periodo: 1 di yuni 2027, 9:00 AM CET pa 29 di yüli 2027, 5:00 PM CET.

Aktividatnan ku ta bini na remarke pa kategoria 3 tin un durashon máksimo di 4 aña.

Bou di Kategoria 4, bo por apliká pa un supsidio solamente pa:

• Proyektonan pa oumentá resiliensia di komunidat kontra diskriminashon i rasismo;
• Proyektonan ku ta promové salú i bienestar di komunidat relashoná ku e historia di sklabitut;
• Proyektonan enfoká riba kompartí historia relashoná ku sklabitut;
• Organisá reunionnan, charlanan, seminarionan i diskushonnan di pènel ku ta promové diálogo i komprendementu tokante e historia di sklabitut;
• Organisá eventonan ku ta kontribuí na prosesá e historia di sklabitut;
• Proyektonan di edukashon, inkluyendo desaroyo di materialnan di enseñansa, krea i duna tayernan, i kreashon òf desaroyo di plataformanan digital;
• Ekspreshonnan artístiko, inkluyendo eksposishonnan i presentashonnan.

Ademas, pa bin na remarke pa un supsidio di Kategoria 4, bo aktividatnan mester:

• Tin un impakto duradero òf a largu plaso, òf
• Tin un alkanse amplio ku ta hasi e historia di sklabitut i su historia kompartí visibel.

Bo por apliká pa supsidio di Kategoria 4 durante e siguiente periodonan:

• Promé periodo: 1 di aprel 2026, 9:00 AM CET pa 1 di yüni 2026, 5:00 PM CET.
• Di dos periodo: 1 di aprel 2027, 9:00 AM CET pa 7 di yüni 2027, 5:00 PM CET.

Aktividatnan ku ta bini na remarke pa supsidio di kategoria 4 tin un durashon máksimo di 4 aña.

Bo por kuminsá asina ku bo a risibí aprobashon por eskrito pa bo petishon serka Implementashon di Maneho. Esaki ta wòrdu hasí via di un lisensiá. Den e lisensiá tin e fecha di inisio di e periodo den kua e aktividatnan di e proyekto lo wòrdu realisá i gastunan elegibel lo wòrdu inkorporá via di un desishon di supsidio.  Implementashon mester kuminsá den tres luna.  Solamente gastunan inkorporá despues di e periodo di proyekto ta bini na remarke pa un supsidio.

Esei no ta konosí ainda.

Si Minister di Interior i Relashonnan den Reino tin intenshon di rechasá un petishon pa kategoria 3 òf 4 pasobra e proyekto no ta sufisientemente alínea ku e ophetivonan di e areglo, lo e buska konseho prome serka e komishon di konseho.  Lo hasi e konseho di e komishon públiko.  Pa e motibu aki tur aplikashon ta wòrdu evaluá inisialmente dor di UVB. Solamente si tin duda si un proyekto ta kualifiká pa e areglo di supsidio aki, lo pidi e komishon di konseho pa saka un desishon.

Solamente pa proyektonan ku ta dura mas ku 12 luna bo mester entregá un rapòrt di progreso den e format preskribí denter di ocho siman despues di e fin di e periodo aki. E format pa e rapòrt di progreso aki lo ta disponibel riba e wèpsait di SZW/Uitvoering Van Beleid

Bo mester entregá un petishon pa determinashon (deklarashon) di un supsidio denter di 22 siman despues di e fin di e periodo di proyekto.  Mester usa e formulario elektróniko ku Minister a proveé ​​pa esaki.

E petishon pa determinashon (deklarashon) mester inkluí un rapòrt di e aktividatnan realisá, huntu ku un bista di e gastunan pa aktividat, usando un format preskribí.  E format preskribí pa e relato final lo wòrdu publiká riba e wèpsait di SZW/Uitvoering Van Beleid 

Si e supsidio otorgá, ekskluyendo e gastunan di kontrol di akóuntent referí na dje den artíkulo 8 “Gastunan Elegibel,” paragraf 2, ta suma USD 125.000 òf mas, es desir, pa kategoria 4, un rapòrt di kontrol di akóuntent tambe ta nesesario na momento di determinashon.  Un akóuntent ta prepará e rapòrt aki segun un protokòl preskribí.

E protokòl di kontrol di akóuntent ta publiká riba e wèpsait di SZW/Uitvoering Van Beleid . 

Bo mester warda e registronan atministrativo pa sinku aña despues di e fecha di e desishon di determinashon di supsidio.  Bo por haña e informashon aki den e Dekreto tokante e Kuadro di Supsidio di BZK bou di artíkulo 21, sekshon h