Pa ken e areglo aki ta?

E areglo aki ta pa empleadonan na Boneiru, Sint Eustatius i Saba ku a bira desempleá sin ku nan mes tin falta.

Ki ora bo no tin derecho?

Bo no tin derecho (mas) riba un benefisio sosial ora:

  • bo no tin un pèrmit di estadia bálido (mas);
  • bo ta risibí pago di seguro di aksidente;
  • ku durante e periodo di e benefisio sosial bo bandoná e Entidatnan Públiko sin pèrmit di e Minister pa un periodo mas largu ku 7 dia;
  • bo entrada for di labor ta igual òf mas ku e suèldu mensual ku a basa e benefisio sosial riba dje.

Kuantu benefisio sosial bo ta haña?

Bo ta risibí 75% di bo suèldu promedio di durante e 6 lunanan promé ku bo a bira desempleá. Paga tinu: Bo suèldu pa otro empleonan eventual ta konta aserka.

Esaki nos ta yama e suèldu mensual.

Kiko ta konta serka e suèldu mensual?

E siguiente entradanan ta konta aserka:

  • suèldu bruto;
  • overtaim;
  • suèldu durante enfermedat;
  • benefisio sosial di e Seguro Médiko BES;
  • benefisio sosial di e Seguro di Aksidente BES;
  • suèldu durante ferlòf.

Kiko no ta konta aserka?

E siguiente entradanan no ta konta aserka:

  • sèn di fakansi;
  • bonùs;
  • un di 13 luna;
  • tep;
  • pago no monetario