Aplikashon

Kon bo ta apliká pa e benefisio sosial?

Bo ta apliká pa e benefisio sosial pa desempleo serka e unidat Asuntunan Sosial i Empleo di RCN (unidat SZW di RCN). Mester entregá bo aplikashon denter di 8 siman despues di fin di bo empleo. Bo tin derecho riba un benefisio sosial ora bo pèrdè bo trabou kompleto sin ku bo mes tin falta, i ta kumpli ku e kondishonnan di akseso di e areglo. Bo ta bai traha ménos ora pero bo ta sigui den servisio? E ora ei bo no tin derecho riba e benefisio sosial aki. Si bo tin dos trabou, bo por entregá un aplikashon na momentu ku, sin ku bo mes tin falta, bo ta pèrdè un di e trabounan kompleto.

Bo mester manda komprobante ora bo apliká.

Esakinan ta:

• bo kontrakt laboral òf bo kontrakt ku agensia di trabou temporal;
• dokumentonan tokante fin di bo empleo, manera un karta di retiru òf un kontrato di stipulashon;
• slepnan di salario di minimalmente 6 i maksimalmente 10 luna;
• komprobantenan tokante un otro trabou si banda di e trabou ku bo a pèrdè ainda bo ta traha un otro kaminda;
• Si e ta aplikabel; un pèrmit di estadia;
• Bo number di kuenta di banko i komprobante ku e ta riba bo nòmber.

A base di bo aplikashon i e komprobantenan lo wak:

• si segun e areglo bo ta(bata) un empleado na Hulanda Karibense;
• si bo no ta reprochabel pa e desempleo;
• si bo ta kumpli ku e eksigensia di e simannan;
• ki ora bo benefisio sosial ta kuminsá;
• kon haltu bo benefisio sosial ta bira;
• si tin motibunan pakiko bo lo no tin derecho riba e benefisio sosial.