Petishon

Paso 1: Registrá
Promé ku bo entregá un solisitut, bo ta registrá bo mes komo petishonario. Esei ta posibel for di promé di yüli 2025. Pa esaki bo ta bai riba e Supsidieportaal van Uitvoering Van Beleid. Pa entrega di e solisitut bo mester tin outorisashon pa firma. Ora bo no ta outorisá independientemente (atministrativo), òf ora un otro persona, por ehèmpel un konsehero di supsidio, ta entregá e solisitut na nòmber di bo, un outorisashon ta obligatorio.

Si bo no tin un kuenta (account) ainda, bo ta krea un kuenta promé.

Si bo tin un kuenta kaba, bo por log in i bai riba e tab ‘Mijn regelingen’ (Mi areglonan). Einan bo ta agregá e registrashon pa e areglo SUMS-NL

Despues di e registrashon riba e portal di supsidio di Uitvoering Van Beleid (Ehekushon di Maneho) bo por entregá un solisitut. Ku bo nòmber di log in i bo kódigo sekreto bo ta haña akseso mesora na e formulario di solisitut di supsidio.

Den e Manual Portal di supsidio Uitvoering Van Beleid bo ta haña un introdukshon di e portal di supsidio. E manual ta kontené imágennan di pantaya ku splikashonnan korto.

Paso 2: Kompilá òf redaktá e dokumentonan obligatorio
Promé ku e solisitut bo por kompilá i yena e anekso(nan) korespondiente di antemano. Riba e wèpsait di Uitvoering Van Beleid (Ehekushon di Maneho) bo ta haña un bista general di e aneksonan, esta:

• format plan di aktividat (kategoria 2, 3, 4)
• format presupuesto (kategoria 2, 3, 4)
• prueba di number di kuenta di banko i prueba ku e kuenta ta riba bo nòmber (kategoria 1, 2, 3, 4)
• si aplikabel, un formulario di outorisashon (kategoria 1, 2, 3, 4)
   

Lo hasi e formatnan disponibel mas pronto posibel.

Den e plan di aktividat, bo ta indiká kiko eksaktamente bo ta bai hasi ku bo proyekto, ki meta i resultado bo ke logra ku esei i ki output (produktonan) esei lo duna. Tambe bo mester indiká e skema di tempu (planifikashon) denter di kua esaki ta tuma lugá i bo ta agregá un skema di fase si esei ta nesesario. Bo ta hasi esaki dor di yena e format.  

Den e format di presupuesto bo ta indiká pa kada (sup)aktividat, kiko ta e gastunan di e proyekto. Loke por supsidiá ta kosto di salario di kolaboradónan den servisio serka bo organisashon, kompensashon di boluntario i gastu eksterno, esta gastu ku terser partido ta kobra bo pa ehekutá e aktividatnan ku por supsidiá.
 

Ora bo hasi un solisitut pa un supsidio pa profeshonalisashon (kategoria 1) di personanan hurídiko ku ta traha den e parti karibense di e Reino i ta traha na benefisio di e metanan menshoná den e areglo, lo pidi bo pa duna informashon tokante bo aktividatnan di proyekto i bo gastunan for di dén e formulario di solisitut. E ora ei solamente bo mester añadí ainda e prueba ku e kuenta di banko ta riba bo nòmber i si esaki ta aplikabel, agregá un outorisashon. 

Paso 3: Hasi petishon
Por entregá un solisitut denter di e periodo di solisitut via e Subsidieportaal van Uitvoering Van Beleid. Den e portal bo ta yena e formulario di solisitut online (e-formulier). Sigurá bo mes ku bo a yena tur e dokumentonan nesesario.

Periodo di solisitut
Pa kada kategoria tin dos periodo di solisitut. Solamente den e periodonan aki bo por entregá un solisitut di supsidio.
 

Paga tinu: e bista general akiriba ta ku reserva, e periodonan di solisitut por kambia dor di sirkunstansia. Konsultá e areglo di supsidio pa e bista general di mas aktualisá.

Paso 4: Evaluashon i proseso
Si despues di klousura di e periodo di solisitut resultá ku e supsidio ku a pidi ta mas ku e presupuesto disponibel (plafòn di supsidio) promé ku tur kos un notario lo tira lòt pa stipulá e órden di trato di petishon. Sigun e órden di entrada di petishon òf den e órden stipulá pa tiramentu di lòt, Uitvoering Van Beleid (Ehekushon di Maneho) lo evaluá si e solisitut di supsidio entregá ta kumpli ku e kondishonnan stipulá. Den e evaluashon lo wak tantu si e solisitut ta kompleto komo su kontenido.

Petishon kompleto
Solamente petishon di supsidio ku ta kontené e datonan i dokumentonan ku a pidi lo haña e evaluashon di ta kompleto. Si falta anekso, nos lo informá e petishonario(nan) tokante esaki, i e  petishonarionan tin dos siman di tempu pa kompletá e solisitut. Petishon ku no ta kompleto lo pone, despues ku ainda a hasi e solisitut kompleto, patras den e órden di trato. Esaki por tin influensia riba otorgamentu di e supsidio. Pues sòru pa bo solisitut ta kompleto ora di entreg’é.

Kontenido
Lo evaluá kontenido di e solisitut di supsidio a base di e reglanan den e Kaderbesluit BZK-supsidies (Desishon Marko di Supsidio BZK) i e areglo di supsidio. Uitvoering Van Beleid (Ehekushon di Maneho) ta wak si e aktividatnan i e gastunan ta bini na remarke pa supsidio. Uitvoering Van Beleid (Ehekushon di Maneho) por hasi preguntanan èkstra. E evaluashon dor di Uitvoering Van Beleid (Ehekushon di Maneho) no ta tokante kalidat i no ta kambia bo posishon den e órden di trato. Ora Uitvoering Van Beleid (Ehekushon di Maneho) konkluí ku un solisitut pa kategoria 3 òf 4 no ta pas ku e metanan den artíkulo 2 di e areglo di supsidio, lo pidi konseho di e Komishon di Konseho*. Esaki tampoko no tin influensia riba bo posishon den e órden di trato.

Skema di tempu
Despues di klousura di e periodo di solisitut, un proseso di evaluashon i toma di desishon di aprokimadamente 13 siman ta kuminsá. Den e periodo aki lo disidí si ta aprobá òf desaprobá e solisitut. Si pidi informashon adishonal durante e evaluashon, lo suspendé e término. Pa petishonnan den kategoria 3 i 4 ta konta ku, ora embolbí e Komishon di Konseho, e toma di desishon por tuma maksimalmente 22 siman. Uitvoering Van Beleid (Ehekushon di Maneho) ta hasi esfuerso pa evaluá un solisitut mas pronto posibel.

Ta importante pa bo tene kuenta ku e términonan aki den redakshon di bo plan di aktividat i bo presupuesto. Ehekushon di e proyekto no por start promé ku 13 siman despues di klousura di e periodo di solisitut. Pa kategoria 3 i 4 ta konta ku e término pa un desishon tokante otorgá supsidio i ku esei e fecha di komienso por subi te 22 siman despues di klousura di e periodo di solisitut.

Paso 5: Start ehekushon proyekto
E supsidio ta otorgá? E ora ei ta spera di bo ku denter di tres luna despues di e fecha di e disposishon di fasilitashon, bo ta kuminsá ku ehekushon di bo aktividatnan di proyekto.

*Komishon di konseho: lo pidi un partida eksterno pa saka un konseho independiente i imparsial tokante proyektonan den kategoria 3 i 4 ku na promé instansia ta parse di tin insufisiente konekshon ku e metanan di e areglo. E lo konsehá e Minister di BZK pa fasilitá e supsidio, sí òf nò.