Ehekushon i responsabilisashon

Format i download

Hasi petishon

• format plan di aktividat (kategoria 2, 3, 4) lo sigui mas pronto posibel
• format presupuesto (kategoria 2, 3, 4) lo sigui mas pronto posibel
• prueba di number di kuenta di banko i prueba ku e ta riba bo nòmber (kategoria 1, 2, 3, 4)
• si aplikabel un formulario di outorisashon (kategoria 1, 2, 3, 4) lo sigui mas pronto posibel

Responsabilisashon

• Protokòl di kontrol (kategoria 4)
  lo sigui mas pronto posibel

Obligashonnan petishonario di supsidio

E hende ku ta risibí supsidio tin e obligashon di ehekutá e aktividat(nan) manera deskribí den e disposishon pa fasilitashon di supsidio, i di kumpli ku e obligashonnan stipulá den e areglo di supsidio. Di bo ta spera ku bo ta notifiká nos mesora na momentu ku e ehekushon ta kana diferente i bo no por kumpli ku esaki.

Pa aktividatnan a base di artíkulo 5, insiso dos, tres i kuater (inisiativanan ku un supsidio igual na òf mas haltu ku USD 10.000), ora abo komo petishonario mes tin gastu, bo mester tene un atministrashon di ora. Gastu pa kolaboradó den servisio salarial mester responsabilisá for di e atministrashon di salario ora pidi esei.

Ora boluntarionan ta ehekutá e aktividat, mester sera un kontrakt di boluntario ku nan. Por pidi pa esaki tambe ora di e responsabilisashon.

Den bo atministrashon finansiero tin faktura i prueba di pago disponibel.

Responsabilisashon

Supsidio te USD 25.000 (kategoria 1 i 2) lo stipulá ofisialmente. Esaki ta enserá ku despues ku a ehekutá e aktividatnan ku por supsidiá (denter di ún aña), lo stipulá e supsidio sin nesesidat di un responsabilisashon spesífiko pa esei. Tin un eksepshon na vigor pa esaki. Uitvoering Van Beleid (Ehekushon di Maneho) lo ehekutá un kontrol arbitrario (steekproef) pa por determiná si e resultadonan di bo proyekto ta kumpli ku e obligashonnan di supsidio.

Ora bo ta kai bou di e kontrol arbitrario lo spera di bo ku bo por proba e output di bo proyekto, e asina yamá ‘prestashon’. Esaki ta enserá ku, ora pidi bo pa esaki, bo mester presentá sierto diploma optené òf pruebanan di partisipashon den un kurso òf entrenamentu, pruebanan di gastu hasí (faktura) i otro resultado òf produkto eventual, manera por ehèmpel potrèt. Lo hasi un espasio digital di Gobièrnu Sentral disponibel pa esaki.  

Supsidio di USD 25.000 òf mas lo fasilitá den forma di un montante máksimo pa un unidat di prestashon ku mester ehekutá ainda. Lo tin responsabilisashon di e total di e prestashonnan hasí i e gastunan realisá.

Pa e supsidio pa inisiativanan di eskala mediano (kategoria 3) i grandi (kategoria 4), supsidio mas haltu ku USD 25.000, e petishonario di supsidio ta entregá un solisitut pa stipulashon di supsidio mediante e formulario elektróniko destiná pa esei riba www.uitvoeringvanbeleidszw.nl. E formulario aki lo bira disponibel despues ku a finalisá e fasilitashon di supsidio pa e periodo en kestion.  

Huntu ku e solisitut pa stipulashon di supsidio ta entregá e dokumentonan indiká den e formulario, ku en todo kaso ta inkluí:

a. un informe final tokante ehekushon i resultado di e aktividatnan, i

b. pa petishon di kategoria 4 ademas ta konta un deklarashon di kontrol
 

Mas informashon tokante stipulashon di supsidio bo ta haña den e areglo di supsidio i den e Kaderbesluit BZK supsidios

Dokumentonan relevante

Manual atministrashon di proyekto
ta sigui mas pronto posibel
 
Menú
ta sigui mas pronto posibel

Manual portal di supsidio Uitvoering Van Beleid (Ehekushon di Maneho)
Handleiding Supsidioportaal Uitvoering Van Beleid